Il gnûf cine cun Scamarcio al tache di Udin

“Alla festa della rivoluzione” (Ae fieste de rivoluzion), il gnûf cine diret di Arnaldo Catinari, al rive tai cines talians joibe ai 16 di Avrîl. La anteprime e sarà fate li dal “Visionario” di Udin, prin apontament di un zîr che al puartarà il cine ator pe regjon cul regjist e cualchi atôr: ai 16 al sarà proietât tal Kinemax di Monfalcon e al Cine “Nazionale” di Triest, vinars ai 17 tal “Cinemazero di Pordenon”. Ambientât tai agns vincj dal Nûfcent, il cine – che al conte la spedizion di Gabriele d’Annunzio a Flum di Istrie – al è stât. fat cul supuart de Friuli Venezia Giulia Film Commission e al à puartât Riccardo Scamarcio e altris atôrs e atoris a Udin, Triest, Gurize e Pale par siet setemanis. (A.I.) – 13.04.2026

Foto di M. Comuzzi