Tradizion e inovazion, passât e avignî a son al centri dal progjet di SimulArte, che dopo la mostre di Giacomo Urban, dulà che la inteligjence artificiâl e ven doprade tant che gnûf mieç creatîf, al esplore ancje l’univiers dai sunôrs. Lu fasarà miercus ai 2 tal Teatri “San Giorgio” di Udin cul conciert a jentrade libare di Alessio Zoratto, dulà che il sunadôr di bas udinês al presentarà il so lavôr discografic “Canvas Melodies”, il so prin album, jessût in Setembar. Pe ocasion, Zoratto al vuidarà un cuartet componût di Giovanni Perin, Luca Zennaro e Luca Colussi. Lis sonoritâts a son chês dal jazz di vuê, ma cun contaminazions fatis cul rock e la musiche contemporanie. Dut l’album al à une conession fuarte cu lis oparis visivis, stant che al è formât di dîs tocs origjinâi ispirâts a dîs oparis di art dal secul passât, che a àn segnât cualchi moment impuartant de vite dal musicist. (A.I.) – 01.04.2025
Foto di L. d’Agostino
