Il flamenco dai minadôrs tal circuit dal ERT

Tal circuit teatrâl dal ERT al rive“Desplante” , un viaç intal cûr plui autentic dal flamenco, dulà che la danze e devente narazion di storiis e memorie. Il spetacul di bal, cjançon e musiche di Eduardo Guerrero, compagnât de vôs di Alicia Morales Sanchez e de ghitare di Diego Antonio Fernandez Montoya, al sarà presentât vinars ai 9 tal Auditorium “Marin” di Grau, sabide ai 10 tal teatri “Clabassi” di Sedean e domenie ai 11 tal Auditorium di S. Vît dal Tiliment. “Desplante” al è nassût in forme di tribût aes cjançons dai minadôrs dal diesim novesim secul daspò de migrazions de Andalusie. (A.I.) – 08.01.2026