Il festival di musiche “curiôs dal Mont”

Al torne ancje chest Istât in Friûl-Vignesie Julie Folkest, il “festival di musiche curiôs dal Mont”, che al tache za ai 30 di Mai cuntune anteprime a Çarvignan: un conciert dedicât a David Crosby cuntun grup di ghitariscj vuidât dal fi de stele rock, Jeff Pevar. Po dopo, la tradizionâl “Fieste da Sedon” dai musiciscj folk furlan, al prin di Jugn tal cjistiel di Ruvigne. Ai 8 un apontament a Tavagnà, in colaborazion cu la cooperative Itaca, cui concierts di Cinque uomini sulla cassa del morto e Capitano tutte a noi. Ai 12 dal mês e tache la sezion di “Folkest sul teritori” in dute la regjon cun ospits soredut dal forest e dai 3 ai 6 di Lui lis zornadis di S. Denêl cun ospits, laboratoris, lis finâls dal premi “Cesa” e il premi dedicât al gjornalist Lorenzo Marchiori par un libri a teme musicâl. Tancj i nons sui palcs, dai Tazenda a Michele Gazich cun Giovanna Famulari, di Joachim Cooder – il fi dal grant Ry Cooder – a Allan Taylor cun Lino Straulino, i 99 Posse, Giua & Riccardo Tesi e la novitât “Yiddish Blues” di e cun Moni Ovadia. (A.I.) – 06.05.2025