Il festival dal Istât al va indevant fint a Dicembar

E tache di Gardiscje martars ai 21 di Otubar la ultime “code” de Sierade de diesime edizion di “Festil”, la rassegne dal Istât dal Litorâl, direte di Tommaso Tuzzoli e Federico Bellini, che e larà indevant fint al mês di Dicembar cun apontaments gnûfs a Udin e Triest. Te sale “Bergamas” al larà in sene “Io sono moltitudine”, un spetacul di e cun Angelo Floramo, compagnât dal tercet di musiciscj Fior delle Bolge, che al è un omaç e un viaç ator pes stradis di Gurize, une citât cuntune topografie “incjantade”. La mape di Gurize e devente une vore simboliche, buine di mudâsi intun parametri di che Europe plurâl che e à simpri segnât la sô storie. Daspò di Gardiscje, il spetacul al sarà a Udin, tal teatri “San Giorgio”. (A.I.) – 20.10.2025