Il discomut psicologjic, la depression, l’ingôs e autolesionisim a son dome che une puarte dai problemis che a rivuardin lis gjenerazions plui zovinis di vuê. Par capî cemût frontâ chest probleme al è nassût “Equilibri” (Ecuilibris), un gnûf cjapitul dal progjet pe citadinance ative “Uguali/Diversi” (Compagns/Diferents), promovût de associazion culturâl Thesis di Pordenon, progjetât par esplorâ la fragjilitât. Il program al cjape dentri ancje une rapresentazion, “Every Brilliant Thing. Le cose più belle al mondo” (Ogni robe brilante. Lis robis plui bielis dal mont) di Duncan Macmillan e Jonny Donahoe, cun protagonist Pietro Mazzoldi e la regjie di Angelo Facchetti. Chest lavôr al trate il teme de depression dai zovins cun lizerece, inteligjence e rispiet e al sarà presentât martars ai 13 tal auditorium “Zotti” a S. Vît dal Tiliment, aes 8:30 e aes 11 di buinore. Al centri de storie e je une domande semplice ma fonde: par ce robe valie la pene vivi? (A.I.) – 12.01.2026
Foto di F. Guarisco
