39
La serade di domenie ai 30, tal teatri “Gustavo Modena” a Palme, e je intitulade “Sinfonie dai talents – Il conciert dai zovins diretôrs.” Siet zovins diretôrs de Italie, de Europe e ancje di plui lontan a saran sul palc, selezionâts di 17 candidâts talians e internazionâi che a àn partecipât a une setemane di lavôr fuart cu la FVG Orchestra vuidade di Paolo Paroni. La Regjon Friûl-Vignesie Julie e conferme cussì la sô posizion tant che gnûf centri nazionâl talian pe formazion avanzade de musiche classiche, in graciis de colaborazion cu la Fondazion “Luigi Bon” di Culugne, Alpe Adrie Music Institut, la stesse Fvg Orchestra e il Comun di Pordenon. (A.I.) – 29.11.2025
