Il cine par cui che al va in biciclete

Dal 10 al 20 di Jugn, al torne “Cinebike” cu la sô cuarte edizion, il festival pai passionâts dal cine e des dôs ruedis, che al met dongje ancjemò une volte il ciclisim al e il cine tal viert, zîrs par scuvierzi il teritori, incuintris cun autôrs e regjiscj, spetacui, musiche e degustazions di mangjâ e bevi locâl. Pe prime volte, la rassegne e rive a Udin, dongje di Palme, Çarvignan e cualchi escursion te zone dal Cuei di cheste bande e di che altre dal confin, e a Aquilee. La ufierte e je che di une esperience di culture lente, autentiche e sostignibil. Miercus ai 10, il festival si vierç a Çarvignan cuntun aperitîf a teme cinematografic e une colone sonore cjantade dal vîf di Foresta, cjantants e composidore taliane brasiliane. Joibe ai 11, la prime proiezion e sarà a Udin, tal parc di Sant Svualt. Dai 12 al 15 di Jugn, il festival si sposte a Palme, te arene de place Grande, progjetade par cjapâ dentri spetatôrs e bicicletis, si che duncje al è pussibil viodi lis peliculis sot des stelis intant che si è sintâts su la siele. Chest an, la arene e je stade progjetade dal artist e senograf Michele Bazzana. Lunis ai 15, la zornade e sarà dute dedicade ai curtmetraçs in gare. (A.I.) – 09.06.2026