Il cine mut di Pordenon a Parîs

Lis Zornadis dal cine mut di Pordenon, un pont di riferiment fondamentâl in materie di conservazion e difese dal patrimoni dal cine des origjins, a rivin fintremai a Parîs, dulà che dai 19 di Otubar al 1n di Novembar a proponaran cierts dai titui viodûts ae 41e edizion dal festival, di pôc sierade. Di cualchi an, di fat, la Fondation Jérôme Seydoux-Pathé e ufrìs al public de capitâl francese une selezion di cine dal program des Zornadis, cun acompagnaments musicâi dal vîf fats dai miôr musiciscj e compositôrs. Il puest di onôr chest an al sarà pe atore Norma Talmadge, une stele assolude inte Hollywood jenfri i agns ’10 e ’20, dismenteade in maniere injuste e ripuartade sot dai rifletôrs dal festival furlan, in graciis de colaborazion cun la Library of Congress e Cohen Media (A.I.) – 17.10.2022