Lis Zornadis dal cine mut a tornin ancjemò une volte a Parîs, in graciis de colaborazion cu la Fondation Jérôme Seydoux-Pathé, che dai 29 di Otubar e fint ai 18 di Novembar e propon te capitâl francese une selezion des peliculis viodudis a Pordenon cualchi setemane indaûr. In dut a son disevot cines, dodis luncmetraçs e sîs curts, passâts ae cuarantesime cuarte edizion sul schermi dal teatri “Verdi”. Ancje in France, te sale de Fondazion in Avenue des Gobelins, dongje de Place d’Italie, a saran presentâts cul acompagnament de musiche. Il diretôr des Zornadis, Jay Weissberg, che al à curât la selezion, al sarà a Parîs dai 6 ai 12 di Novembar par presentâ cualchi proiezion e po dopo al larà in Estonie tant che ospit al Film Museum di Tallin, par une cunvigne ator de programazion dai cines di archivi. (A.I.) – 28.10.2025
Foto de Cineteche di Bologne
