Il cine di frontiere di  Alessandro Comodin

Miercus ai 23 l’innomenât regjist talian Alessandro Comodin al tignarà une masterclass te Mediateche “Ugo Casiraghi” di Gurize, intitulade: “Lavorâ la realtât. Par une idee di cine di frontiere”. L’avigniment al sarà dedicât ae sô opare cinematografiche e al è viert al public, cuntune atenzion particolâr ai students des academiis di cine des dôs citât di Gurize. I partecipants a varan la oportunitât di cognossi di dongje la sô impostazion creative e di aprofondî i procès di regjie e produzion che a caraterizin la sô poetiche cinematografiche. L’avigniment, che al fâs part dal progjet “GO! STUDI”, al è finanziât de Union Europeane, al è a gratis e si fasarà in lenghe inglese. Comodin al è a stâ a Parîs, ma al è cressût a S. Vît dal Tiliment e il Friûl al reste un element impressindibil intai siei cines. (A.I.) – 22.04.2025