Il cine dedicât a Ungaretti zirât in regjon

“Vita di un uomo – Giuseppe Ungaretti”, il cine documentari cun protagonist Massimo Popolizio, al va in onde vinars ai 27 in prime serade par television su RAI 3. Su la fonde di une idee di Davide Rondoni, al è ancje diret di Massimo Popolizio e prodot cul contribût de FVG Film Commission, che e à supuartât e poiât lis ripresis fatis in regjon tal mês di Dicembar a Gardiscje, Gurize e tes trinceis di Segrât. Il cine documentari al torne a passâ la vite e il messaç poetic di Giuseppe Ungaretti midiant di un dopli stîl naratîf: di une bande al presente lis fasis de vite dal poete, cjapant dentri la sô esperience tes trinceis vie pe Prime vuere mondiâl, e di chê altre al è une conte ‘di fantasie’ cun protagonist Massimo Popolizio. (A.I.) – 26.02.2026