Il cine dal Orient al tache di Singapûr

La vincjesime otave edizion dal “Far East Film Festival”, la rassegne che e à mudât une piçule citât de provincie taliane in capitâl dal cine di dute la Asie, inmaneade dal CEC, centri espressions cinematografichis, e tache vinars ai 24 di Avrîl e e va indevant fint ai 2 di Mai tal Teatri gnûf “Giovanni da Udine” e tal cine “Visionario” cun proiezions di cine popolâr, ma ancje cun cualchi omaç al passât e aes produzions “di autôr”di buinore fin tart, cetantis stelis che a rivin di lontan sul “tapêt ros” udinês, spazis didatics, culturai e comerciâi. E po dopo, ducj chei altris events –almancul un centenâr! – che a mudaran il cûr de citât intune Asian Zone, zone asiatiche, plene di colôrs. Il prin dai 76 titui, 52 di chei in concors, di 12 Paîs diferents, cun vot primis visions mondiâi, 18 anteprimis internazionâls, 22 europeanis e 20 talianis. Pe scree, i, titul sielt al è “We Are All Strangers” di Anthony Chen, un ami dal festival che al rive dret di Singapûr, une vere citât dal avignì, ospit de serade cu la protagonste Yeo Yann Yann. (A.I.) – 23.04.2026