34
La fantasie zoologjiche plui innomenade de storie de musiche e rive tal teatri Palamostre di Udin miercus ai 18. Nassude tant che intratigniment privât, la partidure di “Carnevale degli animali”, Carnevâl des bestiis di Camille Saint-Saëns e je deventade daurman un fenomen globâl, bon par i publics di dutis lis etâts. Lis cutuardis senis che a formin la “suite” a àn un sens caricaturâl e il riferiment nol è dome che aes bestiis dai titui, ma ancje aes celebritâts e ai critics musicâi di chel timp. Sul podi dal Palamostre pe stagjon dai Amîs de Musiche di Udin al larà sù Juan José Navarro par direzi la orchestre Goldoni. (A.I.) – 17.02.2026
