Il “Bon” al scomence a celebrâ i 130 agns di storie

Un secul di storie di celebrâ cjalant ancje al avignì, confermant la culture tant che un spazi di incuintri, incressite e partecipazion. Daspò dal sucès dal an passât, “Un Istât di inclusion” al torne dai Prin di Lui. Chest progjet de Fondazion “Luigi Bon”, al trasforme il Teatri Bon di Culugne e i siei spazis intun lûc viert a publics, lenghis e esperiencis diferentis, instreçant spetacui, istruzion e impegn sociâl. La edizion dal 2026 e je ancjemò plui impuartante parcè che e coincît cul centenâr dal Teatri “Luigi Bon” e cui 130 agns de Fondazion, doi aniversaris che a dan la oportunitât di ribati une mission che e je restade invariade vie pal timp: fâ deventâ la culture un imprest che al sedi bon di creâ relazions, di butâ jù lis barieris e di creâ un sens di comunitât. A vierzi un program che al cjape dentri musiche, teatri, narazion di storiis e memorie, martars al Prin di Lui e sarà la comedie musicâl iriverente “Dolenti Note” de Banda Osiris, che e torne a zuiâ cu la musiche e cul stes mistîr dal musicist. Tes altris seradis, a rivaran la FVG Orchestra, il Time Machine Ensemble e cetancj altris. (A.I.) – 30.06.2026