Il “blues tes vilis” sul teritori a jentrade libare

Cinc concierts a jentrade libare cence sore nuie te provincie di Pordenon cu la vincjesime otave edizion di “Blues in Villa”, che al è deventât un festival slargjât sul teritori che si davuelç a S. Quarin, Cordenons, Purcie e Vaiont, cun artiscj internazionâi, figuris impuartantis de sene taliane e cualchi novitât. Si tache miercus ai 17 tal centri dai Magrêts “Livio Poldini” a S. Quarin cul cuartet vuidât di Carlo Atti, un dai saxofoniscj plui impuartants a nivel european, che al à sunât cun cualchi liende internazionâls dal jazz vie pe sô cariere. Ai 30 di Jugn, tal centri “Aldo Moro” di Cordenons, la tradizion dal blues e cjate calôr dal gospel e la energjie dal jazz contemporani cui Blues Brass di Dean Bowman. Tal mês di Lui, il ghitarist e cjantant di talent Little Albert e po dopo il grup soul Black Gold, cun Jasmine Furlotti ae vôs: il program si sierarà tal mês di Avost. (A.I.) – 16.06.2026