I zovins a scuele sul palc cul Teatro Club e il CSS

No dome il pali teatrâl dai students, che chest an al rivarà ae cincuantesime cuinte edizion, ma ancje i “Mestieri della Scena”, i Mistîrs de sene, che vie pai agns e à fat cognossi ai zovins i segrets e lis professionalitâts dal teatri. Di chest an, la colaborazion si largje al Css di Udin e al Cta di Gurize: daspò di un pâr di laboratoris par students propit a Gurize – un di video cul coletîf Beam Team, chel altri cul fotograf Luca A. d’Agostino – dai 8 ai 18 di Otubar tal teatri “Palamostre” di Udin a son in program doi cors (“masterclass”) leâts ae gnove produzion dal Css, che e debutarà ai 19: “Mrs. Dalloway”, un dedicât ae assistence de regjie cun Rita Maffei, chê altre de senografie cun Luigina Tusini. (A.I.) – 07.10.2025