I students di Udin za in vore pal Pali

A tachin sabide ai 15 tai spazis Lo Studio di Udin, in via Fabio di Maniago 15, i laboratoris che a vierzin la stagjon dal Pali teatrâl studentesc, in program daûr de tradizion tai mês di Avrîl e di Mai, che tal 2026 al rivarà ae cincuantesime cuinte edizion. Fint ai 13 di Dicembar, uns trente zovins dai 14 ai 20 agns a varan la pussibilitât di esplorâ un percors di formazion ae scuvierte dal lengaç di sene, sore nuie. La colaborazion cun Arearea e previôt chest an lis sessions speciâi di “Dance Out” cui coreografs Stefano Mazzotta e Pablo Girolami dongje des lezions fatis de compagnie di danze. (A.I.) – 14.11.2025