I spetatôrs a judin i atôrs sul palc

Un spetacul interatîf, ogni sere diferent, dulà che il public al è il vêr protagonist e al decît cui che al è il colpevul: “Forbici e follia” (Fuarpiis & matetât) di Paul Pörtner, inte version taliane di Marco Rampoldi e Gianluca Ramazzotti, cun protagoniscj in sene Max Pisu, Nino Formicola, Giancarlo Ratti e altris. Il spetacul, prodot di ArtistiAssociati – Centri di Produzion Teatrâl, al sarà tal Auditorium Comunâl di Çopule joibe ai 17, par contâ un dì che al somee compagn di ducj chei altris, fermât di un sassinament intal salon di un piruchîr. Un câs che dome la colaborazion dai spetatôrs, che a puedin risolvi il misteri in graciis des domandis che a savaran fâ, e pues risolvi. (A.I.) – 16.04.2025