I premis pal cine dal “reâl”

La diesime novesime edizion dal Pordenone Docs Fest, il festival dai documentaris che al à puartât il miôr des produzions internazionâls di “cine dal reâl” a Pordenon par cinc dîs, mudant la citât intun puest di incuintri, discussion e condivision, si è sierade cu la premiazion. Dai 25 ai 29 di Març, lis salis di Cinemazero a son stadis plens di energjie: in dut, passe 6.000 personis a àn vivût il festival, lu àn traviersât e a àn partecipât cun curiositât e passion. Plui di 250 ospits di dut il mont – regjiscj, autôrs, critics, espositôrs e distributôrs – a jerin presints, dongje di une vore di students. Dutis lis seradis a son stadis plenis, e il stes al à sucedût pes cunvignis, i laboratoris e lis discussions di une edizion une vore siore e frecuentade. Il Grant premi de jurie al è lât a “Fox under a Pink Moon” di Mehrdad Oskouei; menzon speciâl a “Peacemaker” di Ivan Ramljak, premi pal documentari “vert” a “ Supernature” di Ed Sayers. (A.I.) – 30.03.2026