I ‘fîs’ di Arlechin a Pordenon

E tache martars ai 2 di Setembar la vincjesime novesime edizion dal festival di teatri “L’Arlecchino Errante”, che chest an al à il sottitul “lenghis e cidinôrs”. La “grande zornade di viertidure” si vierç cuntun event special aes 4 di dopomisdì tal ex convent di S. Francesc, “Casa Alta Gama”, un laboratori creatîf fat dai doi fondadôrs de compagnie spagnole. Aes 6.30, di place 20 Setembar, la compagnie Balletto Civile direte di Michela Lucenti e presente “Gente”, un percors di balet itinerant. Aes 9 sot sere li dal Capitol, la compagnie Hellequin e presente “Son io cosa vostra?”, une gnove scriture ator di Goldoni par fevelâ di feminis cun ironie e atualitât. (A.I.) – 01.09.2025