I erôrs dai zovins di vuê

I “millennial” cuintri i “boomers”, il lavôr tal setôr public cuintri i lavoradôrs autonoms… “Ho sbagliato tutto” (O ai capît dut mâl) al esplore i disblançs dal nestri timp e la lote cuotidiane par gjavâsi fûr cence risi di lâ sot. Di miercus ai 4 fint a vinars ai 6, te Sale “Bergamas” a Gardiscje, la rassegne “Innesti”, pensade di ArtistiAssociati, centri di produzion teatrâl, e darà acet al spetacul cun Cristina Mecozzi e Alessandro Arcodia, pe regjie di Riccardo Marchesini. Il spetacul al è nassût de dibisugne di contâ la precarietât e la instabilitât des gjenerazion di vuê in relazion cu lis cundizions di cetancj privileçs che a àn vût lis altris gjenerazions rivadis prime. Une comedie taliane dividude in trê episodis: il prin al fevele dal lavôr tal setôr public, il secont dal disvantaç sociâl di cui che al è a stâ in perifarie e il tierç des sieltis sbaliadis. (A.I.) – 03.02.2026