I ‘cuadris’ di Musorgskij tune produzion furlane

Un non di presi dal piano classic, Michele Campanella; un saxofonist di ecezion, il talian e argjentin Javier Girotto; e po dopo, direte di Felix Hornbachner, la orchestre dai zovins Filarmonici Friulani, unic esempli in regjon di un grup di musiciscj fat e curât di zovins sot dai 35 agns. Ducj adun a incjantaran il public dal Cjistiel di Udin (o se al plûf tal teatri gnûf “Giovanni da Udine”) miercus ai 30 cu la lôr version de composizion par piano plui famose di Modest Petrovič Musorgskij, “Quadri di un’esposizione” (I cuadris di une esposizion), te orchestrazion di Maurice Ravel. “Pictures at an Exhibition” al è un dai apontaments di spic dal Istât udinês e al viôt la colaborazion di trê realtâts de citât: SimulArte, Progetto Musica e Filarmonici Friulani, te suaze des dôs rassegnis “More Than Jazz” e “Nei suoni dei luoghi”. (A.I.) – 29.07.2025