I concierts di Pasche tes glesiis

La rassegne “Paschalia” e puarte indevant il so viaç di Cuaresime cun concierts e celebrazions che a cjapin dentri di cualchi setemane lis corâls de USCI dal Frûl-Vignesie Julie. La Setemane Sante e lis fiestis di Pasche a son il moments là che i concierts spirituâi o tematics a lassin il puest aes celebrazions liturgjichis cu la musiche corâl e il rûl fondamentâl des corâls impegnadis te liturgjie. Inte provincie di Udin, vinars ai 3, la via crucis te glesie di Cuar di Rosacis e sarà compagnade dal cjant de corâl locâl “Fogolar”. La domenie di Pasche, il grup feminin e chel masculin di San Vincenzo e il grup de coral di Carlin a cjantaran te glesie di San Vincenzo Martire a Porpêt, e il Lunis di Pasche la musiche e continuarà aes dîs di buinore in timp di celebrazion te glesie di S. Leonart a Cjavalì: un program dedicât ae ecletiche opare di bonsignôr Marco Frisina, par cure de associazion culturâl e musicâl Turdion. Messis cjantadis e altris concierts che a compagnin la liturgjie a son previodûts ancje tes altris provinciis. (A.I.) – 02.04.2026