Il zovin comunicadôr culturâl e creadôr digjitâl Edoardo Prati al tache di Monfalcon la tournée tal circuit regjonâl dal ERT. “Cantami d’amore”, Cjantimi l’amôr, al è il titul de sô prime opare teatrâl, direte di Enrico Zaccheo, che e va in sene lunis ai 19 e martars ai 20 tal Teatri “Bonezzi” di Monfalcon. Il spetacul al va indevant miercus ai 21 tal Teatri “Ristori” di Cividât, joibe ai 22 tal “Odeon” di Tisane, vinars ai 23 tal “Candoni” di Tumieç, sabide ai 24 tal “Lavaroni” di Dartigne e domenie ai 25 tal Auditorium di S. Vît dal Tiliment. Nassût tal 2004, Edoardo Prati al interprete il presint midiant dai grancj classics de leterature. Daspò di vê concuistât un public une vore diferent sui ‘social media’, l’autôr al puarte cun naturalece la sô narazion sul palc di sene e al scomence un viaç te leterature e te musiche, lant daûr des peraulis che i poetis a àn sielzût vie pal timp par cjantâ di amôr. (A.I.) – 20.01.2026
Foto di L. Pozzo
