I arlêfs de “Nico Pepe”si presentin a “vicino/lontano”.

Il program una vore siôr dai “Spazis Creatîfs” dal mês di Mai che si davuelç te Academie Civiche des Arts Dramatichis “Nico Pepe” di udin al previôt incuintris vierts al public, che al pues viodi i students recitâ. Il prin event al è in program par vinars ai 8: “Creatività e improvvisazione nella terra del non giudizio” (Creativitât e improvisazion inte Tiere dal no judizi), la ultime lezion vierte di Andrea Collavino cui students dal secont an di cors. Sabide ai 9 aes 11 di buinore, te suaze dal Festival “vicino/lontano”, i students dal prin an di recitazion a presentaran tal Teatri gnûf “Giovanni da Udine” il spetacul “Il Respiro nelle cose”, curât di Claudio de Maglio, cu la colaborazion di Alessandro Maione e i intervents coreografics di Marta Bevilacqua. (A.I.) – 07.05.2026