I arlêfs dal “Bon” di Culugne a spichin intai concors tal forest

I arlêfs dai cors di perfezionament alt di musiche di cjamare de professore Federica Repini li de fondazion “Luigi Bon” di Culugne a van indevant a spicâ intai concors nazionâi e internazionâi di presi par confermâ la ecelence de formazion ufierte. In ocasion dal decim otâf concors nazionâl “Città di Piove di Sacco”, il tercet Ozone Sea Trio formât di Eleonora Pitis, Sofia Battini e Andrea Bassi al à concuistât il prin puest te categorie di musiche di cjamare, intant che il duet Laroi (Arianna Foltran e Andrea Biasotto) al è rivât secont e il duet Tesei-Bastanzetti tierç. Tal stes moment, al decim setim concors internazionâl di musiche di cjamare “Cameristi dell’Alpe Adria” di Maian, il prin puest al è lât al duet Confluence (Teresa Gasparini e Michelangelo Ghedin) e il duet Gobbo-Tanaka tierç cuntune esibizion a cuatri mans. Ducj i grups a sunaran chest Istât tes rassegnis “Carniarmonie” e “Armonie in città”. (A.I.) – 07.05.2025