La associazion culturâl Hybrida e torne cun “Forma Free Music Impulse”, rivât ae sô decime cuinte edizion, dopo lis trê anteprimis de Vierte. Hybrida e je ative di plui di vincj agns su dut il teritori regjonâl, e e puarte indevant une ricercje di alt nivel intai monts de avanvuardie musicâl, spaziant su gjenars diviers, de eletroniche al rock. “Forma Free Music Impulse” al è stât dal 2017 il prin festival in regjon a frontâ in maniere organiche il teme de relazion fra om e tecnologjie. Ancje chest an, fint ae fin di Mai, al puartarà in Friûl-Vignesie Julie artiscj di dut il mont cun vincj concierts e trê incuintris leteraris a Udin, Staranzan, S. Pieri dai Sclavons, Gurize, Cormons e Lokavec in Slovenie. Ducj i concierts a saran vierts di zovins musiciscj sielts adun cun UdinElettronica. Si scomence domenie ai 20, il dì di Pasche tal dopomisdì, tal Dobialab di Staranzan, cu la messicane Angélica Castelló e il francês Jérôme Noetinger e po dopo i ongjarês Paszternák Károly & A Légköri Jelenségek. (A.I.) – 16.04.2025
Foto di L. Kovacic
