Gurize capitâl ancje des lenghis minoritariis

La citât di Gurize e sarà al centri dii Lenghis, il prin Festival dal teatri des lenghis minoritariis, inmaneât dal Teatri Stabil Furlan cu la colaborazion dal ert, l’Ent regjonâl teatrâl dal Friûl-Vignesie Julie. Tal an de capitâl europeane de culture GO!2025, il festival al vûl celebrâ il patrimoni des lenghis minoritariis, che a son feveladis di 50 milions di personis in dute Europe, doprant il lengaç dal teatri, dal spetacul dal vîf e de musiche. Dai 22 di Otubar e fint al prin di Novembar a son previodûts 18 spetacui con 8 compagniis e passe 30 artiscj di cinc paîs diferents: Italie, Slovenie, Cravuazie, Olande e Spagne, fevelant in siet lenghis diferentis. Il program, curât dal diretôr artistic Massimo Somaglino, al sarà fat in diferents spazis culturâi di Gurize: no dome spetacui, che a tachin joibe ai 23 cun “…Striis…” di Maria Ariis e Paolo Patui Gorizia, ma ancje cunvignis e i laboratoris par atôrs, che a scomencin miercus ai 22 e saran fats di Claudio de Maglio, Davide Carnevali e Ivor Martinić. Tal stes dì a cjase Krainer e je previodude la presentazion dai ats di “Mosaici d’Europa”, Mosaics de Europe, la rassegne che l’an passât e à puartât a Gurize i protagoniocj dal gjornalisim talian par valorizâ lis culturis e lis lenghis diferentis de citât. (A.I.) – 21.10.2025