Gnovis manieris di contâ e di fâ spetacul

Lâ indevant lant simpri fûr dal ordenari al è simpri stât al centri di “In\Visible Cities”, lis citâts invisibilis, rassegne inmaneade di 12 agns de associazion Quarantasettazeroquattro. Prime a Gurize e po dopo ancje a Gardiscje – simpri plui la sede preseade pal festival – fint ai 6 di Setembar a son in program passe cuarante events. Il principi di un gnûf trieni di progjetazion, simpri plui viert ae inclusion culturâl, ancje in gracie dal progjet “Zero gradi di separazione” e ae contaminazion de art cu la sience tai events di “Ars. Arti Re(l)azioni Scienze”.Il program al è plen di spetacui di teatri, musiche, danze e multimediâi, itinerants e cuasi simpri vierts ae partecipazion ative di ducj, là che al centri e je la sperimentazion di gnovis manieris di contâ, di gnovis formis di stâ tai spazis, di gnovis relazions pes personis. In cheste maniete, dutis lis formis di spetacul di messedin, adun cui lengaçs, e il spetacul al devente une esperience, fûr dai teatri, tal viert. E une grant atenzion ai zovins artiscj che a fasin ricercje inovative. (A.I.) – 31.08.2026