Ghitaris ‘virtuosis’ tal parc: Baglioni e Selva

Vinars ai 22 tal parc Rizzani di Pagnà (o tal teatri “Maurensig” di Felet se al plûf) e je in program une gnove date de rassegne “Palchi nei parchi”, palcs tai parcs, par cure dal Servizi forestâl de regjon F-Vj, adun cu la Fondazion “Bon” par chel che al rivuarde la direzion artistiche. Sul palc, a celebrâ tal ricuart il visionari Michael Hedges, un poete de ghitare acustiche, un dai nons plui interessants de acustiche soliste in Italie: Giovanni Baglioni, grant musicist e virtuôs dal strument. Sul palc ancje la ghitariste furlane Paola Selva par un omaç a un grant artist dai agns ’80 e ’90, adun cu la vôs uniche di Rebi Rivale. (A.I.) – 20.08.2025