Gabriele Salvatores al cîr atôrs e atoris in regjon

Il regjist Gabriele Salvatores, vincidôr dal premi Oscar, al torne in Friûl-Vignesie Julie par zirâ il so gnûf cine, il setim zirât te regjon. Une conferme dal fuart leam artistic che al à formât vie pai agns cu la regjon, ancje in gracie de preziose colaborazion cu la FVG Film Commission – PromoTurismoFVG. Lis ripresis a si davuelzaran a Triest e a son programadis a tacâ de metât di Otubar fint ae fin di Novembar di chest an. La citât e sarà il centri di ambientazions storichis diferentis: la storie e cjaparà dentri un timp une vore lunc, dal 1920 al 1970. Par ricostruî lis variis etis e jemplâ lis senis dal cine, la produzion amatoriâl e je daûr a cirî une schirie di figurants e atôrs amatoriâi, sedi oms sedi feminis, dai 25 ai 75 agns, ancje cence nissune esperience cinematografiche. La ricercje dai atôrs, ven a stâi il “casting”, si davuelzarà joibe ai 3 e vinars ai 4 a Triest, inte sede de Film Commission e martars ai 8 a Gurize tai spazis de “Antica Ferramenta Krainer & Comp”. (A.I.) – 01.09.2026