Friûl clame Salent par cirî lis tradizions comuns

Cirî lis fondis e lis lidrîs di dôs des plui antighis danzis popolârs in Italie, la “pizzica pizzica”, leade a rîts terapeutics e deventade la plui fuarte espression identitarie dal Salent, e “la furlana, danza dei Furlani”, jentrade ancje te musiche baroche culte, al è al centri dal progjet di ricercje: ”Dal Salento ad Aquileia”, par cure de Fondazion “La Notte della Taranta”, in colaborazion cu la Fondazion Aquileia. Lis ativitâts a tachin sabide ai 18 a Aquilee cuntun conciert cence sore nuie de orchestre popolâr La Notte della Taranta tal spazi cuviert dal Terminal Unesco in vie Giulia Augusta. Prime di chel, un incuintri des delegazions tal palaç Brunner-Segré cui rapresentants des dôs regjons, Pulie e F-Vj, la union dai grups folcloristics dal Friûl-Vignesie Julie, studiôs e esperts dal patrimoni di danzis e musichis de tradizion. Il progjet al vûl meti in contat doi patrimonis lontans par capî lis funzions sociâl e la capacitât di mudâsi tal timp cence pierdi vitalitât, cjapant un rûl identitari. (A.I.) – 16.10.2025