E je stade presentade la decime edizion di Piano jazz, la rassegne che e tornarà dai 19 di Mai ae Fazioli concert hall di Sacîl, templi dal pianismo internazionâl, che dopo vê tornât a vierzi lis puartis a Dicembar ae musiche classiche ore e acete di gnûf ancje il jazz.
Trê i concierts dai 19 di Mai, aes 20.45, pe rassegne che e vierzarà la stagjon 2022 di Circul Controtempo, cuant che sul palc al larà sù la liende vivente dal jazz mondiâl, il pianist e compositôr american Fred Hersch, che al torne sui palcs talians cul so progjet “Piano solo”.
Mercoledì al 1 di Jugn, aes 20.45, un altri grant non par Piano jazz, David Helbock, icone de sene jazz europeane e internazionâl.
La tierce tape di Piano jazz, ai 27 di Mai, aes 17, al presente une novitât: no dome pal lûc – il parc de tignude Splendide Vistorta di Sacîl – ma ancje parcè che e sarà une incursion intal plan Fender Rodhes cun “Free’s Bee”, il progjet di Giorgio Pacorig e Francesco Ivone (ae trombe).
Biliets za in vendite, intal circuit Vivaticket; informazion: www.controtempo.org, ticket@controtempo.org.
