Folkest al torne sul teritori

Daspò de anteprime cu la “Fieste di Sedon”, Folkest al scree la gnove edizion dal festival tes placis principâls dal Friûl-Vignesie Julie: une schirie di events che a metin dongje musiche, scuvierte e promozion dai lûcs plui evocatîfs, simpri in ecuilibri jenfri ricercje, la tradizion e la compatibilitât cui lûcs che a dan acet ai concierts. Un viaç di sunôrs che al è bon di instreçâ identitâts, storiis e tradizions, puartant il public a sperimentâ il teritori midiant esperiencis culturâls autentichis. Pal cincuantesim aniversari dal taramot, la rassegne e scomence a Glemone, joibe ai 11 di Jugn, tal parc di Vie Dante, cui Lou Dalfin dal Piemont. Si va indevant vinars ai 12 a Cuar di Rosacis cun “Sentimento Popolare” di Camilla Barbarito e sabide ai 13 a Damâr, cuntun dai ospits plui spietâts, la violiniste Scarlet Rivera, une storiche discuvierte di Bob Dylan. La prime setemane di musiche si siere domenie ai 14 a Montenars cu la cjantante e composidore americane Jackie Perkins. (A.I.) – 10.06.2026