117
Il festival “Folkest”, dedicât ae culture e ae inovazion e par sigûr aes musichis dal Mont, al rive a Udin, par un dai apontaments di spic dal Istât musicâl: il conciert in cjistiel di lunis ai 21 dai 99 Posse, che pe ocasion a cjaparan ancje il Premi ae cariere de rassegne, par “un progjet musicâl simpri coerent sedi tai contignûts che tes ideis”, daûr des peraulis dal diretôr artistic dal festival, Andrea Del Favero. I 99 Posse a vegnin di Napoli, a son ator dai prins agns Nonante e a son tornâts a zontâsi tal 2009 daspò di cualchi an cence fâ concierts. (A.I.) – 19.07.2025
