Folk inglês e furlan tal bosc

Sieradis lis zornadis di S. Denêl, la rassegne “Folkest” e torne sul teritori cuntun pâr di apontaments. Il prin al è in program vinars ai 11 a Cividât, tal bosc “Romagno”, dentri di “Palchi nei Parchi” (Palcs tai parcs), cul cjantautôr inglês Allan Taylor, famôs pe sô vôs che si cognòs daurman, e pal stîl personâl de ghitare, dongje dal fat di jessi stât un dai protagoniscj di chel che a clamavin il “folk revival” a tacâ dai agns Setante. A vierzi la ghitare, un dai musiciscj di spic de sene furlane, Lino Straulino, che chest an al celebre il trentenâl dal sô prin album di bessôl, “Spin”, jessût tal 1995, che al fo un omaç ancje ai grancj autôrs dal folk britanic. (A.I. ) – 10.07.2025

Foto di M. Pollert