131
Trê concierts pe rassegne “Carniarmonie” inmaneade de Fondazion “Bon” di Culugne. Vinars ai 18, te glesie di Fresis di Enemonç, la pianiste, cjantante e compositore Mara Corazza e presente, compagnade al violoncel di Andrea Musto, il so ultin disc “La sapienza dei ciliegi millenari”, regjistrât li di Artesuono di Stefano Amerio. Sabide ai 19, tal Domo di Tumieé, l’ensemble di vôs Simbach, la corâl di Simbach e la Orchestre dal Inntal direts di Petra Enghofer, cui soliscj Maja Santro e Armin Stockerer a fasaran une celebrazion in musiche dal zimulament di Tumieç cun Simbach. Domenie ai 20 te plêf di S. Pieri a Zui, il “Duo Confluence” cun Michelangelo Ghedini al saxofon e Teresa Gasparini ae ghitare. (A.I.) – 17.07.2027
