Fieste dople par une glorie cjargnele

Un dopli aniversari cuntun dopli conciert par celebrâ il diesim aniversari dal “Anciuti Music Festival”, la rassegne musicâl dedicade al “Stradivari dal oboe”, il cjargnel fornet Giovanni Maria Anciuti (1674-1744), e ancje il diesim aniversari de Orchestre Nazionâl Baroche dai Conservatoris, une formazion straordenarie nassude dentri dal Ministeri de Universitât e de Ricercje. Un pont di riferiment par spetacui filologjics doprant struments storics, la orchestre, direte di Alberto Martini, e sarà a Fo Disore fint ai 29 di Març par un seminari che al cjape dentri cuindis musiciscj zovins selezionâts di ducj i conservatoriis de Italie. Doi concierts inmaneâts par sierâ e par condividi cheste esperience esclusive cul public: sabide ai 28 tal Centri polifunzionâl di For Disore e domenie ai 29 aes 11 di buinore te sale “Vivaldi” dal Conservatori “Jacopo Tomadini” di Udin. (A.I.) – 26.03.2026