Festival di Maian: un conciert daûr di chel altri

Daspò di dôs ‘cercis’ tal mês di Lui cui concierts dai rapper talians Guè e Fabri Fibra, il festival di Maian, l’apontament plui vieli de regjon tal so gjenar, rivât aromai ae sessantesime cuinte edizion, al jentre tal moment plui cjalt de sô programazion. Sabide ai 2 a rivin i ospits internazionâls, i inglês The Darkness, cul unic conciert dal Istât in Italie dal grup di Dan Hawkins, che al à tornât a tirâ fûr i sunôrs dal rock ‘dûr’ dai agns Setante. Il dì dopo, “La reunion” di Ruggero de I Timidi, ven a stâi il gnûf conciert spetacul dal cjantant e cabaretist udinês Andrea Sambucco e, prime de Madone di Avost, la rivelazion Naska e une schirie di cover band (ma ancje i nestris Playa Denuda). Ai 16 di Avost un dai apontaments plui spietâts: la serade “Deejay Time” par balâ cun Albertino, Fargetta, Molella e Prezioso. (A.I.) – 31.07.2025