118
La musiche dal vîf intun centri comerciâl e je la ufierte pes gnots dal Istât (“Summer Nights”) dal Palmanova Village di Dael, che al tire dongje il public no dome cu lis buteghis e i ristorants vierts fint tart, ma ancje cu la musiche dal vîf e no dome chel. Vinars ai 18 i tocje a Ermal Meta, preseât e plui voltis premiât cjantautôr che daspò di vê sierât la tournée tai teatris, al è ator pe Italie par presentâ il so ultin romanç prime di tacâ il gnûf tour de Albanie, il Paîs di divignince. La fornule de serade e je chê des “peraulis e musiche”: Ermal Meta al sarà intervistât in direte devant dal public e al ufrirà ancje cualchi cjançon intune maniere divierse e intime, ma al fevelarà ancje dal so libri. (A.I.) – 17.07.2027
