Elodie e presente un cine in Friûl (ma dome in video)

Il regjist Mario Martone e lis atoris protagonistis Valeria Golino, Matilda De Angelis e la cjantante Elodie a presentaran ai 21 di Mai il cine “Fuori”, dome in direte video, li dal Visionario di Udin e tal Cinemazero di Pordenon. Presentât in concors al Festival di Cannes, il cine, che al è ispirât al romanç biografic “L’università di Rebibbia” di Goliarda Sapienza, al conte la esperience fate in preson tal 1980 de scritore daspò di jessi stade fermade pe robarie des zoiis di une amie. Il cine, tant che il romanç, al è un viaç di mudament e di riscuvierte personâl intun microcosmi feminin plen di dûl, ma ancje di solidarietât e libertât interiôr. (A.I.) – 20.05.2025