Elisa e va a Jesolo par spietâ l’an gnûf

Le musiciste, cjantante e produtore Elisa, preseade a nivel internazionâl, e sarà protagoniste dal “Conciert di fin dal an” in program sabide ai 31 al Palaç dal Turisim di Jesolo. Organizât de furlane Zenit srl, il conciert al viodarà la cjantante di Monfalcon proponi une selezion di ducj i siei plui grancj sucès di passe 25 agns di cariere, acompagnade de sô band. A miezegnot il cincin, cun Elisa sul palc, intune cul so public, a saludâ il 2023, dopo che intal ultin e à proponût il “Back to the Future Live Tour” par meti dongje musiche e sensibilizazion ambientâl. (A.I.) – 29.12.2022