E tache la gnove edizion dal concors di Percût

Trentevot agns di sucès simpri plui grant, trentevot edizions cun partecipants straordenaris e ancjetancj nons di presit te jurie, di Lodovica Comello a Simona Molinari, Andrea Mirò, Omar Pedrini, Remo Anzovino, Rossana Casale… Ducj artiscj che a àn fat deventâ il concors “Percoto canta” (Percût al cjante) intune farie di emozions, oportunitâts e incressite artistiche. La rassegne e je rivade si che duncje ae trentesime otave edizion e a son za viertis lis iscrizions pal concors che si fasarà chest Istât: lis iscrizions si fasin in rêt su www.percotocanta.it, la che si cjatin dutis lis informazions. Lis selezions a saran fatis ai 7 e ai 8 di Jugn a Çarvignan, po dopo ai 12 di Lui la semifinâl a Cividât, prime de serade finâl daspò dal Istât tal “Teatron” di Udin. (A.I.) – 13.05.2025