Dut plen par Anzovino intal teatri di Pordenon

Serade cul teatri dut plen, ducj impins e dîs minûts di batiman martars di sere al “Verdi” di Pordenon, dulà che il compositôr e pianist Remo Anzovino al è tornât a sunâ dopo dîs agns intal teatri de sô citât, inte atmosfere des grandis ocasions. E je stade une serade magjiche – volude a fuart de academie musicâl Naonis, che lu à sielt tant che ospit speciâl, dopo Fresu e Cristicchi, pal 5t Memorial Beniamino Gavasso, il fondadôr de Naonis. Anzovino al à presentât al public, che al à implenât ducj i puescj dal teatri, il conciert spetacul multimediâl che al celebre dal vîf lis sôs colonis sonoris pai cine events dedicâts ae art. (A.I.) – 30.11.2022