28
Dissacrant, scoret, cence creance e cu la lenghe sclete, Angelo Duro (42 agns, nassût a Palermo) al è un dai comics talians plui origjinâi e plui preseâts e al è stât clamât “il rapresentant perfet de societât dal malstâ”. Daspò dal sucès dai ultins agns tai teatris e in television, tal mês di Zenâr al à vût une conferme ancje al cine cu la sô prime pelicule “Io sono la fine del mondo”. In Fevrâr, al à tacât a zirâ la Italie cun spetacui teatrâi che a son dapardut simpri plens. Ancje in Friûl, là che il comic al rive martars ai 6 e miercus ai 7 cun “Ho tre belle notizie” intal Teatri gnûf “Giovanni da Udine”, là che no si cjate plui nancje un biliet! (A.I.) – 05.05.2025
