Dut Pasolini al cine fin a Zenâr

E scomence cun “Accattone”, martars ai 11 a Cinemazero di Pordenon e miercus ai 12 al Visionario di Udin aes 8.45 sot sere, la grande retrospetive che e torne a puartâ in sale ducj i cines di Pier Paolo Pasolini intune version restaurade, tal centenari de nassite. Un mût par fâ fevelâ l’inteletuâl traviers lis sôs oparis, mostrant i siei cines sul grant schermi, a cualitât tant alte. Prima dal cine dal esordi, “Accattone”, la introduzion di un grant espert, Luciano De Giusti, autôr di tancj studis e volums monografics. La retrospetive e larà indevant fin a Zenâr cun ducj chei altris cines, ogni martars a Cinemazero e il miercus al Visionario. (A.I.) – 10.10.2022