Dai 2 di Novembar ai 5 di Dicembar al tornarà a Sacîl il festival “Il Volo del Jazz”, inmaneât dal circul Controtempo, cu la direzion artistiche di Paola Martini. La vincjesime prime edizion e presente siet concierts cun grancj nons dal jazz internazionâl e un program di events colaterâi. La musiche e tache za ai 18 di Otubar cuntune anteprime tal teatri “Zancanaro”: “Sakamoto & Me”, un conciert dal pianist Danilo Rea che al propon une gnove leture dal compositôr gjaponês cu la eletroniche di Martux_m. Po dopo, la rassegne e tacarà cun “Music for the world” dal baterist furlan U.T. Gandhi cu la Orchestre Naonis direte di Valter Sivilotti e ospit special la liende Enrico Rava. I altris concierts a son chei di Amy Gadiaga, Roberto Fonseca, Les Amazones d’Afrique, Nik Bärtsch e i Mare Nostrum, un tercet di stelis cun Paolo Fresu, Richard Galliano e Jan Lundgren. (A.I.) – 23.09.2025
Foto di R. Cifarelli
