57
La Orchestre di zovins Filarmonici Friulani adun cu la Corâl dal Friûl-Vignesie Julie sul palc par celebrâ il Nadâl cuntun dopli event musicâl: miercus ai 17 di Dicembar tal Domo (Catedrâl di Sante Marie) di Udin e joibe ai 18 tal Domo di S. Martin a Tumieç. Ducj i doi i concierts a scomençaran aes 8.30 sot sere e a son a jentrade libare sore nuie. Il palc di sene al cjaparà dentri plui di 120 musiciscj e coriscj sot dai 25 agns, cu la partecipazion dal cuintri tenôr Nicholas Ceragioli e la direzion dal zovin mestri austriac di talent David Schlager. Il program al instrece diviers paisaçs di suns, bogns di evocâ l’incjant dal Nadâl. (A.I.) – 15.12.2025
