Ducj i colôrs dal mont a Udin

Colombie, Armenie Ecuador, Kirghizistan e ancje Tahiti, cuntun toc di Friûl e di Sardegne. Lunis ai 25 ducj i colôrs dal mont a rivin a Udin pal spetacul di gale dal “ Festival dei Cuori” (Festival dai cûrs), che al va in sene des 9 sot sere tal Palamostre, cu la partecipazion di ducj i grups che a son presints pe cincuantesime cuinte edizion de rassegne. La plui antighe rassegne folcloristiche de regjon, nassude tal 1965 a Tarcint, metint adun desenis di nazions diferentis e centenârs di musiciscj e balarins – e je tornade chest an a Udin cu la poie de Regjon e de Fondazion Friuli. (A.I.) – 25.08.2025